മഴക്കാല രോഗങ്ങൾ : ലക്ഷണങ്ങളും മുൻകരുതലുകളും

By Dr. Gautham K Vijayan Psy.M., PhD (AM), DNYS - April 28 , 2018

മഴക്കാലം പടിവാതില്‍ക്കല്‍ എത്തിയിരിക്കുന്നു. കേരളത്തില്‍ മഴക്കാലത്ത്‌ കണ്ടുവരുന്ന സാധാരണ അസുഖങ്ങള്‍ ജലദോഷം, വൈറല്‍പ്പനി, ചുമ, ഛര്‍ദ്യതിസാരം, മഞ്ഞപ്പിത്തം, ന്യൂമോണിയ, ടൈഫോയ്‌ഡ്, ഡെങ്കിപ്പനി തുടങ്ങിയവയാണ്. രോഗാണുക്കള്‍ വളരാനിടയാകുന്ന അന്തരീക്ഷസാഹചര്യം, സംസ്കരിക്കാതെ വലിച്ചെറിയുന്ന മാലിന്യക്കൂമ്പാരം, മലിനജലം, ഭക്ഷണപദാര്‍ത്ഥങ്ങളുടെ ശുചിത്വമില്ലായ്‌മ മുതലായ കാരണങ്ങള്‍ രോഗാണുവര്‍ധനയ്‌ക്കും അത് വഴി രോഗവ്യാപനത്തിനും ഇടയാക്കുന്നു.

വേനല്‍ച്ചൂടിന്റെ കാഠിന്യത്തില്‍നിന്ന്‌ മഴയുടെ തണുപ്പിലേക്ക്‌ കാലാവസ്ഥ പെട്ടന്ന് മാറുമ്പോള്‍ രോഗാണുക്കള്‍ അന്തരീക്ഷത്തില്‍ പെരുകുവാന്‍ ഉള്ള സാഹചര്യം സംജാതമാകുകയായി. മഴയെ ഇഷ്ട്ടപ്പെടുമ്പോഴും ആരോഗ്യ കാര്യങ്ങളില്‍ അതീവ ജാഗ്രത പുലര്‍ത്തേണ്ട കാലം ആണെന്ന തിരിച്ചറിവ് ഉണ്ടാകണം. മഴ കണ്ടും രസിക്കുന്ന കാലം രോഗങ്ങളുടേതുകൂടിയാണെന്ന്‌ കരുതിയിരിക്കുക. രോഗങ്ങള്‍ പടരുന്നതിന് കാരണങ്ങള്‍. രോഗാണുക്കള്‍ ശരീരത്തില്‍ പ്രവേശിച്ചാലും മിക്കവരിലും രോഗലക്ഷണങ്ങള്‍ പ്രകടമാകാതെ തന്നെ ശരീരത്തില്‍ നിലനില്‍ക്കും. ഇവര്‍ രോഗികളാകണമെന്നില്ല. ഇവരുടെ മലമൂത്രങ്ങളില്‍ കൂടി ലക്ഷക്കണക്കിന് രോഗാണുക്കളാണ് വിസര്‍ജിക്കുന്നത്. പകര്‍ച്ചവ്യാധികള്‍ പരത്തുകയും നിലനിര്‍ത്തുകയും ചെയ്യുന്നതില്‍ മുഖ്യ പങ്ക് വഹിക്കുന്നത് ഇവരാണ് അവരെ നമുക്ക് രോഗാണു വാഹകര്‍ എന്ന് വിളിക്കാം. ശുചിത്വവും രോഗപ്രതിരോധശേഷിയും മഴക്കാലത്ത് കുറയുന്നതിനാല്‍ രോഗങ്ങള്‍ പെട്ടെന്ന് പടര്‍ന്നുപിടിക്കുന്നു.

കുടിവെള്ളം മലിനപ്പെടുന്നതാണ് മഴക്കാല രോഗങ്ങള്‍ ഉണ്ടാകാനുള്ള മറ്റൊരു പ്രധാന കാരണം.. മഴക്കാലമാകുന്നതോടെ കരകവിഞ്ഞൊഴുകുന്ന തോടുകളിലെയും പുഴകളിലെയും മാലിന്യങ്ങള്‍ കിണറിലെ വെള്ളവുമായി കലരുന്നത്തിനുള്ള സാദ്ധ്യത ഏറെയാണ്‌. അതോടെ ജലജന്യ രോഗങ്ങള്‍ക്ക് പടര്‍ന്നു പിടിക്കുകയായി. മലിനജലം കുടിക്കുന്നതും ഈ വെള്ളത്തില്‍ ഭക്ഷണം പാകംചെയ്യുന്നതും പച്ചക്കറികള്‍, ഇലക്കറികള്‍ എന്നിവ കഴുകാനുപയോഗിക്കുന്നതുമടക്കം, വെറുതെ വായ കഴുകുന്നത് വരെ ഉള്ള കാരണങ്ങള്‍ കൊണ്ട് രോഗങ്ങള്‍ പടര്‍ന്നു പിടിക്കാം.. തണുത്തതും തുറന്നുവെച്ചതും പഴകിയതും മലിനമായതുമായ ഭക്ഷണങ്ങളും മഴക്കാല രോഗങ്ങള്‍ക്ക് പടര്ത്തുന്നതില്‍ വലിയ പങ്കു വഹിക്കുന്നു കൊതുക് പരത്തുന്ന രോഗങ്ങള്‍. പകര്‍ച്ചപ്പനികളിലധികവും പരത്തുന്നത് കൊതുകുകളാണ്. മഴക്കാലത്ത് രൂപപ്പെടുന്ന ചെറിയ ശുദ്ധജലക്കെട്ടുകളിലാണ് കൊതുകുകള്‍ അധികവും മുട്ടയിട്ടു പെരുകുന്നത്. റ്റയിലുകള്‍ ഇട്ട മുറ്റങ്ങള്‍ വെള്ളം ഭൂമിയില്‍ താഴാന്‍ അനുവദിക്കാതെ കൊതുകുകള്‍ പെറ്റുപെരുകാന്‍ സാഹചര്യം ഒരുക്കും.

വൃത്തിയില്ലാത്ത ഭക്ഷണത്തിൽ നിന്നും വെള്ളത്തിൽ നിന്നുമാണ് കോളറ വരുന്നത്. കഠിന വയറിളക്കവും ഛർദിയുമാണ് കാര്യമായുണ്ടാവുക. രോഗബാധ തടയാൻ മുൻകരുതലുകൾ സ്വീകരിക്കുന്നതിനു പുറമെ ചില കാര്യങ്ങൾ കൂടി ശ്രദ്ധിക്കേണ്ടതുണ്ട്. തിളപ്പിച്ചാറിയ വെള്ളം മാത്രം കുടിക്കുക. ശാരീരിക വൃത്തിയുണ്ടാവുക, വീടും ചുറ്റുപാടും വൃത്തിയായി സൂക്ഷിക്കുക തുടങ്ങിയവ നിർബന്ധമാണ്. ഇത് വന്ന രോഗി ധാരാളം വെള്ളം കുടിക്കണം. അല്ലാത്തപക്ഷം രോഗം ഗുരുതരമാവും.

വളരെ പെട്ടെന്ന് പടരുന്ന രോഗമാണ് ടൈഫോയ്ഡ്. ഈ രോഗാണു പിത്ത സഞ്ചിയിൽ കെട്ടിക്കിടക്കുന്നത് കാരണം തുടർച്ചയായുള്ള പനിയുണ്ടായിരിക്കും. കടുത്ത ക്ഷീണവും വയറുവേദനയും തലവേദനയും വിറയലുമാണ് പ്രധാന ലക്ഷണങ്ങൾ. ഈ ലക്ഷണങ്ങൾ കണ്ടാൽ വേഗം ആരോഗ്യ കേന്ദ്രവുമായി ബന്ധപ്പെടുക.

ഈച്ച പരത്തുന്ന രോഗമാണ് മഞ്ഞപ്പിത്തം. രോഗിയുമായി നേരിട്ടുള്ള ബന്ധങ്ങളിലൂടെയും ഇത് പകരും. കടുത്ത പനി, തലവേദന, ശരീര വേദന, ഛർദി എന്നിവയാണ് ലക്ഷണങ്ങൾ. പെട്ടെന്ന് മരണത്തിനിടയാക്കുന്ന രോഗമാണിത്. നല്ല വിശ്രമവും പോഷകാഹാരവും നിർബന്ധമാണ്. എണ്ണയുള്ളതും കൊഴുപ്പുള്ളതുമായ ഭക്ഷണങ്ങൾ ഒഴിവാക്കണം.

മഴക്കാലത്ത് പ്രായഭേദമില്ലാതെ കാണുന്ന അസുഖമാണ് വൈറൽപനി. പനിയും തൊണ്ടവേദനയും തുമ്മലും മുഖ്യ ലക്ഷണങ്ങളാണ്.

മൃഗങ്ങളുടെയും എലിയുടെയും മൂത്രത്തിലൂടെ പകരുന്ന രോഗമാണ് എലിപ്പനി. കടുത്ത പനി, തലവേദന, കാലിന്റെ മസിൽ വേദന, വയറുവേദന, ഛർദി, രക്തം പൊടിയാതെ ദേഹത്ത് തണർപ്പുണ്ടാകുക തുടങ്ങിയവ മുഖ്യ ലക്ഷണങ്ങളാണ്. ഇത് വൃക്ക, കരൾ, ശ്വാസകോശം, തലച്ചോറ് എന്നിവക്ക് തകരാറുണ്ടാക്കും.

സാധാരണ പനിയിൽ നിന്നു വലിയ വ്യത്യാസമില്ലാത്തതിനാൽ തിരിച്ചറിയാൻ വൈകുന്ന ഒരു രോഗമാണ് ഡെങ്കിപ്പനി. ഈഡിസ് എന്ന കൊതുകാണ് ഇതു പകർത്തുന്നത്. കടുത്ത പനി, തലവേദന, ശരീരവേദന, കണ്ണിന് പിന്നിൽ വേദന, പേശികൾക്കും സന്ധികൾക്കും വേദന, രുചിയില്ലായ്മ, വിശപ്പില്ലായ്മ, അഞ്ചാം പനിക്ക് പൊന്തുന്ന പോലുള്ള പൊന്തലും ഛർദിയും ക്ഷീണവുമാണ് പ്രധാന ലക്ഷണങ്ങൾ.

മഴക്കാലത്ത് പെട്ടെന്നു പടരുന്ന പനിയാണ് ചിക്കൻഗുനിയ. തൊലിപ്പുറത്തുള്ള പാടുകൾ സന്ധികളിൽ വേദന, കണ്ണിനു വേദന തുടങ്ങിയവ രോഗിക്കുണ്ടാകും.

പന്നിപ്പനിക്കും പക്ഷിപ്പനിക്കും ഇൻഫ്‌ലുവൻസ-എ ഗ്രൂപ്പിലുള്ള രോഗാണുക്കൾ പടർത്തുന്നതാണ്. പെട്ടെന്ന് ശക്തിപ്പെടുന്ന പനി, വിറയൽ, തലവേദന, പേശിവേദന, കടുത്ത ക്ഷീണം, ചുമ തുടങ്ങിയവ ഇതിനൊപ്പമുണ്ടാകും.

മഴക്കാലത്ത് ഇത്തരം വ്യാധികളെല്ലാം കൂടാനുള്ള കാരണം മലിനീകരണം രൂക്ഷമാകുന്നതാണ്. ഒപ്പം ഈ കാലത്ത് ശരീരത്തിന്റെ രോഗപ്രതിരോധ ശേഷി കുറയുന്നതും ഹേതുകമാണ്. വീട്ടിലും ചുറ്റുപാടും വെള്ളം കെട്ടിനിൽക്കാനുള്ള സാഹചര്യങ്ങൾ ഇല്ലാതാക്കുന്നതിനൊപ്പം ചില മുൻകരുതലുകൾ ആവശ്യമുണ്ട്.

ഈ ലക്ഷണങ്ങളുണ്ടെങ്കില്‍ സൂക്ഷിക്കുക

ഡെങ്കിപ്പനി ലക്ഷണങ്ങള്‍

മൂന്നുദിവസം കഴിഞ്ഞും കടുത്ത പനി തുടരുകയും അസഹ്യമായ ശരീരവേദന, കണ്ണു ചുവന്നു തടിക്കുക, കൈകാല്‍ കഴപ്പ് എന്നിവ ഉണ്ടാകുകയും ചെയ്താല്‍ ഡെങ്കിപ്പനി സംശയിക്കാം. കെട്ടിനില്‍ക്കുന്ന വെള്ളത്തില്‍ മുട്ടയിട്ടു പെരുകുന്ന ഇൌഡിസ് ഇൌജിപ്തി എന്നയിനം കൊതുകാണ് രോഗകാരണം. സാധാരണ പനിയായി തുടക്കം. ശക്തമായ ശരീരവേദന അനുഭവപ്പെടും. വൈകാതെ കണ്ണു ചുവക്കും. ശരീരത്തില്‍ ചെറിയ ചുവന്ന കുരുക്കള്‍ പ്രത്യക്ഷപ്പെടും. ചെറിയ പനിയാണെങ്കില്‍പ്പോലും സ്വയം ചികില്‍സിക്കാതെ ഡോക്ടറെ കാണണം.

വൈറല്‍ ഫീവര്‍:

മഴക്കാല രോഗങ്ങളില്‍ മുഖ്യം. വായുവില്‍ക്കൂടി പകരുന്നത്. കടുത്ത ശരീരവേദനയും തലവേദനയും പനിയുമാണ് ലക്ഷണങ്ങള്‍. രോഗബാധിതര്‍ മറ്റുള്ളവരുമായി ഇടപഴകാതിരിക്കുക. ഇവര്‍ ഉപയോഗിക്കുന്ന കര്‍ചീഫും തോര്‍ത്തും മറ്റും തിളച്ച വെള്ളത്തില്‍ കഴുകിയെടുക്കണം.

ബ്രോങ്കൈറ്റിസ്:

വൈറല്‍ ഫീവറിന്റെ അതേ ലക്ഷണങ്ങള്‍. രോഗം മൂര്‍ച്ഛിക്കുന്നതോടെ ചുമയും ശ്വാസംമുട്ടലും ഉണ്ടാകും.

എലിപ്പനി:

എലികളുടെ വിസര്‍ജ്യം മഴയിലൂടെ നദികളിലും നീരുറവകളിലുമെത്തുന്നതോടെയാണ് എലിപ്പനി പടരുന്നത്. ഇൌ വെള്ളം കുളിക്കാനും കുടിക്കാനും ഉപയോഗിക്കുന്നതിലൂടെ രോഗമെത്തു ന്നു.ശരീരത്തിലെ മുറിവുകളിലൂടെയാണ് രോഗാണുക്കള്‍ ഉള്ളില്‍ കടക്കുന്നത്. കടുത്ത പനി, വിറയല്‍, കഠിനമായ തലവേദന, പേശിവലിവ് എന്നിവ അനുഭവപ്പെടും. നീരുറവകള്‍ ശുചിയായി സൂക്ഷിക്കുക. ചത്ത എലിയുടെ അവശിഷ്ടങ്ങള്‍ മഴയില്‍ ഒലിച്ചുപോകാത്തവിധം സംസ്കരിക്കുക.

ചിക്കുന്‍ഗുനിയ:

പനി, സന്ധികളില്‍ നീര്, വേദന, ദേഹത്തു ചുവന്ന തടിപ്പ് തുടങ്ങിയവയാണ് ലക്ഷണങ്ങള്‍. രോഗം ഭേദപ്പെട്ടാലും സന്ധിവേദന തുടരും. ഈഡിസ് ഈജിപ്തി എന്നയിനം കൊതുകു പരത്തുന്ന രോഗം. പരിസര ശുചീകരണം, കൊതുകു നിര്‍മാര്‍ജനം എന്നിവ മുഖ്യം.

ടോണ്‍സിലൈറ്റിസ്:

കൂടുതലായും കുട്ടികളെ ബാധിക്കുന്നു. തൊണ്ടയിലെ അണുബാധയാണിത്. പനിയും തൊണ്ടവേദനയുമാണ് ലക്ഷണങ്ങള്‍. ആന്റിബയോട്ടിക് ചികില്‍സകൊണ്ടേ പലപ്പോഴും രോഗം ഭേദമാകൂ.

ന്യുമോണിയ:

വായുവില്‍ക്കൂടി പകരുന്നു. പിഞ്ചുകുട്ടികള്‍ക്കു ന്യുമോണിയ വരാന്‍ സാധ്യത കൂടുതല്‍. സമയത്തു ചികില്‍സിച്ചില്ലെങ്കില്‍ ശ്വാസംമുട്ടല്‍, ചുമ, നെഞ്ചുവേദന തുടങ്ങിയ ലക്ഷണങ്ങളോടെ പനി കൂടുതല്‍ സങ്കീര്‍ണമാകും.

മഞ്ഞപ്പിത്തം:

ഹെപ്പറ്റൈറ്റിസ് എ, ഇ എന്നിവ മഴക്കാലത്തു പിടിപെടുന്ന രോഗങ്ങളാണ്. വെള്ളത്തി ലാണ് ഇതിന്റെ അണുക്കള്‍ കാണപ്പെടുന്നത്. മൂത്രത്തിനും കണ്ണിനുമുണ്ടാകുന്ന മഞ്ഞനിറമാണു പ്രധാന ലക്ഷണം. വിശപ്പില്ലായ്മ, വയറുവേദന, പനി, ഛര്‍ദി എന്നിവയുമുണ്ടാകും. രക്തപരിശോധനയിലൂടെ രോഗം നിര്‍ണയിക്കണം. കണ്ടുപിടിക്കാന്‍ വൈകിയാല്‍ ജീവന്‍തന്നെ അപകടത്തിലാകും. നന്നായി തിളപ്പിച്ച വെള്ളം ഉപയോഗിക്കുക. തുറസ്സായ സ്ഥലങ്ങളില്‍ മലമൂത്രവിസര്‍ജനം ഒഴിവാക്കുക. മഞ്ഞപ്പിത്തം ബാധിച്ച ആളുകള്‍ ഉപയോഗിക്കുന്ന പ്ളേറ്റും ഗാസും ഉപയോഗിക്കാതിരിക്കുക.

ടൈഫോയ്ഡ്:

മഴക്കാലത്ത് വേഗത്തില്‍ പടരുന്ന മറ്റൊരു രോഗം. രോഗിയുടെയും രോഗാണുവാഹക രുടെയും മലമൂത്രവിസര്‍ജ്യങ്ങള്‍ കലര്‍ന്ന വെള്ളത്തിലൂടെയും ഭക്ഷണസാധനങ്ങളിലൂടെയുമാണ് രോഗം പകരുന്നത്. ഈച്ചകളും രോഗം പടര്‍ത്തും. ഇടവിട്ട പനി, വിശപ്പില്ലായ്മ എന്നിവയാണു ലക്ഷണങ്ങള്‍. രക്തപരിശോധന നടത്തി രോഗം നിര്‍ണയിക്കാം.

കോളറ:

ആഹാരത്തില്‍ക്കൂടിയും വെള്ളത്തില്‍ക്കൂടിയും പകരുന്ന രോഗം. പനിക്കൊപ്പം കടുത്ത ഛര്‍ദിയും വയറിളക്കവുമുണ്ടാകും. വയറിളകുന്നതു കഞ്ഞിവെള്ളത്തിന്റെ നിറത്തിലാണ്. രോഗി തളര്‍ന്നു വീഴാനിടയുണ്ട്. വേഗത്തില്‍ വൈദ്യസഹായം ലഭ്യമാക്കണം.

വളംകടി:

ചെളിവെള്ളത്തിലൂടെ നടക്കുമ്പോള്‍ വിരലുകള്‍ക്കിടയിലുള്ള ത്വക്കില്‍ അണുബാധയുണ്ടായി പഴുക്കും. അസഹ്യമായ ചൊറിച്ചിലുമുണ്ടാകും. എപ്പോഴും ചെരുപ്പ് ഉപയോഗിക്കുകയാണ് പ്രതിവിധി. പുറത്തു പോയി വന്നാലുടന്‍ ചൂടുവെള്ളത്തില്‍ കാല്‍ കഴുകണം. വളംകടി തുടങ്ങിയാലുടന്‍ പൊട്ടാസ്യം പെര്‍മാംഗനേറ്റ് തരിയിട്ട ചെറു ചൂടുവെള്ളത്തില്‍ കാല്‍ മുക്കിവയ്ക്കുക .

മുൻകരുതലുകൾ

1. കുട, റെയ്ൻ കോട്ട്, ഷൂ എന്നിവ നിർബന്ധമാക്കുക.

2. ചൂടുവെള്ളമോ തിളപ്പിച്ചാറിയ വെള്ളമോ മാത്രം ഉപയോഗിക്കുക. ചൂടുവെള്ളം രോഗാണുക്കളെ ചെറുക്കുകയും ജലദോഷം കുറക്കുകയും ചെയ്യും.

3. ശരീരം, വസ്ത്രം, ഭക്ഷണം, വീട്, പരിസരം എന്നിവ വൃത്തിയായി സൂക്ഷിക്കുക.

4. വിറ്റാമിൻ സി അടങ്ങിയ ഭക്ഷണം കൂടുതൽ കഴിക്കുക. വിറ്റാമിനൻ സി രോഗപ്രതിരോധ ശേഷി കൂട്ടുന്ന ആന്റി ബോഡിയെ ഉദ്ദീപിപ്പിക്കുന്നു.

5. കൂടുതൽ വെള്ളം കുടിക്കുക. വിഷാംശങ്ങൾ മൂത്രമൊഴിച്ച് പോകാൻ ഇത് നല്ലതാണ്.

6. പോഷകാഹാരങ്ങൾ കഴിക്കുക.

7. രോഗിയുമായി നേരിട്ടുള്ള ബന്ധം ഒഴിവാക്കുക.

8. വെള്ളം കെട്ടി നിൽക്കുന്നത് നശിപ്പിക്കുക. അതിലാണ് കൊതുക് മുട്ടയിട്ട് പെരുകുന്നത്. അതിൽ മീൻ വളർത്തിയാൽ അവ ആ മുട്ടകൾ തിന്നുകൊള്ളും.

9. ദൂരയാത്രകൾ ഒഴിവാക്കുക.

10. പഴയതും തുറന്നുവെച്ചതുമായ ഭക്ഷണം കഴിക്കരുത്.

11. തോട്ടിലും അഴുക്കുവെള്ളത്തിലും കുളിക്കുന്നതും കാൽ കഴുകുന്നതും ഒഴിവാക്കുക.

12. ചെരിപ്പിടാതെ നടക്കരുത്.

13. പ്രമേഹ രോഗികൾ ചെറുചൂടുള്ള ഉപ്പുവെള്ളത്തിൽ കാൽ കഴുകി പാദം വൃത്തിയായി സൂക്ഷിക്കണം.

മഴക്കാലത്ത് കഴിക്കാവുന്ന ഭക്ഷണങ്ങള്‍

മഴക്കാലത്ത് എളുപ്പം ദഹിക്കുന്ന ലഘുവായ ഭക്ഷണങ്ങളായ ഗോതമ്പ്, ചെറുപയര്‍, തവിട് കളയാത്ത അരി, വഴുതനങ്ങ, വാഴക്കൂമ്പ്, പാവക്ക, നെല്ലിക്ക, കോവക്ക, മുരിങ്ങക്ക, കോഴിയിറച്ചി, ചെറുമത്സ്യങ്ങള്‍, ആട്ടിറച്ചി എന്നിവ ഭക്ഷണത്തില്‍പെടുത്താം.

പച്ചക്കറികളും തുവരയും ചേര്‍ത്ത സൂപ്പുകള്‍, മാംസസൂപ്പുകള്‍ എന്നിവയും മഴക്കാലത്ത് അനുയോജ്യമാണ്. ചുക്കും മല്ലിയും ജീരകവും ചേര്‍ത്ത് തിളപ്പിച്ച വെള്ളം ധാരാളം കുടിക്കുക. തിളപ്പിച്ച വെള്ളം മാത്രം കുടിക്കാന്‍ ശ്രദ്ധിക്കണം. മലരിട്ട് വെന്ത വെള്ളം ഛര്‍ദിയെയും മുത്തങ്ങയും വെളുത്തുള്ളിയും ചേര്‍ത്ത് തിളപ്പിച്ച വെള്ളം നിര്‍ജലീകരണത്തെയും തടയും.

ശുചിത്വം

വര്‍ഷകാല രോഗനിയന്ത്രണത്തിന് ചികിത്സയോടൊപ്പം പ്രതിരോധ നടപടികളും ഊര്‍ജിതമാക്കേണ്ടതുണ്ട്. പരിസര ശുചിത്വത്തോടൊപ്പം വ്യക്തിശുചിത്വത്തിനും പ്രാധാന്യം നല്‍കണം. ഒപ്പം ജലശുചിത്വവും ഭക്ഷണ ശുചിത്വവും പാലിക്കേണ്ടതുണ്ട്.

വ്യായാമം

ജോഗിങ്, യോഗ, സ്കിപ്പിങ് തുടങ്ങി വീട്ടിനുള്ളില്‍ ചെയ്യാവുന്ന വ്യായാമങ്ങള്‍ വര്‍ഷകാലത്ത് അനുയോജ്യമാണ്.

മഴക്കാലരോഗങ്ങളെ ഒരിക്കലും നിസ്സാരമായി കാണരുത്. പടര്‍ന്നുപിടിക്കുന്ന രോഗങ്ങള്‍ പലപ്പോഴും മാരകമാകാറുണ്ട്. സ്വയം ചികിത്സകള്‍ ഒഴിവാക്കി ക്വാളിഫൈഡ് ഡോക്റ്ററെ തന്നെ കണ്ടു ചികിത്സ തേടണം.

അറിയിപ്പ് ....

ഈ വെബ്‌സൈറ്റിൽ പ്രസിദ്ധീകരിച്ചിട്ടുള്ള വിവരങ്ങൾ വിദ്യാഭ്യാസ ആവശ്യങ്ങൾക്കും വായനക്കാരുടെ അറിവിലേയ്ക്കും വേണ്ടി മാത്രം ഉദ്ധേശിട്ടുള്ളത് ആണ്. വെബ്‌സൈറ്റിൽ ഉള്ള ലേഖനങ്ങൾ വായിക്കുന്നതിലൂടെ വായനക്കാരനും ലേഖകനും തമ്മിൽ വൈദ്യൻ - രോഗി ബന്ധമില്ല എന്ന് നിങ്ങൾ മനസിലാക്കുകയും അംഗീകരിക്കുകയും ചെയ്യുന്നു. ഈ വെബ്സൈറ്റിലെ ലേഖനങ്ങളിൽ പറഞ്ഞിട്ടുള്ള കാര്യങ്ങൾ പ്രയോഗിക്കാൻ പാടുള്ളതല്ല അഥവാ പ്രയോഗിക്കുകയാണെങ്കിൽ അതിനു മുൻപ് ലൈസൻസ് ഉള്ള ഡോക്ടറോട് നേരിട്ടു കണ്ടു ചോദിച്ചു ഉറപ്പിച്ചതിനു ശേഷം മാത്രമേ ചെയ്യുകയുള്ളൂ എന്ന് ഉറപ്പുവരുത്തുക. ഈ ലേഖനം ആരെയെങ്കിലും ഏതെങ്കിലും തരത്തിൽ വേദനിപ്പിച്ചിട്ടുണ്ടെങ്കിൽ ക്ഷമിക്കുക.കൂടുതൽ വിവരങ്ങൾക്ക്, https://ayurmedi.com/content/Terms_and_Conditions സന്ദർശിക്കുക.

Dr. Gautham K Vijayan Psy.M., PhD (AM), DNYS
www.ayurmedi.com

Amazon.in Widgets

PCOD & PCOS : യോഗയിലൂടെ ആശ്വാസം നേടാം..

Dr. Gautham K Vijayan Psy.M., PhD (AM), DNYS - January 30 , 2022

മുട്ട് വേദന മാറ്റാം മരുന്നും കുഴമ്പും വേണ്ട.

Dr. Gautham K Vijayan Psy.M., PhD (AM), DNYS - May 23 , 2020

Have a Jasmine Plant in your Room. Jasmine Minimizes Anxiety, Panic Attacks, and Depression

Dr. Gautham K Vijayan Psy.M., PhD (AM), DNYS - May 19 , 2020

മുടികൊഴിച്ചിൽ മാറ്റാം: മരുന്നും, എണ്ണയും വേണ്ട.

Dr. Gautham K Vijayan Psy.M., PhD (AM), DNYS - May 04 , 2020

കാഴ്ച ഇല്ലാതാകുന്ന ഗ്ലുക്കോമയെ തടയാം : സുജോക്ക് ചികിത്സാ

Dr. Gautham K Vijayan Psy.M., PhD (AM), DNYS - May 03 , 2020

RELATED ARTICLES
MORE FROM AUTHER

കാഴ്ച ഇല്ലാതാകുന്ന ഗ്ലുക്കോമയെ തടയാം : സുജോക്ക് ചികിത്സാ

സുജോക് തെറാപ്പിക്ക് കേരളത്തിൽ പ്രിയമേറുന്നു .എന്തൊകൊണ്ട്?

എന്താണ് രോഗ പ്രതിരോധശേഷി ? ശ്രദ്ധിക്കേണ്ട കാര്യങ്ങൾ..

എന്താണീ കൊറോണ വൈറസ് ? അറിഞിരിക്കേണ്ട പ്രധാന കാര്യങ്ങൾ

അക്യുപഞ്ചർ എന്നാൽ എന്തു ?

ഹാർട്ട് ബ്ലോക്ക് എങ്ങിനെ ഉണ്ടാകുന്നു, എങ്ങിനെ തടയാം?

PCOD & PCOS : യോഗയിലൂടെ ആശ്വാസം നേടാം..

നാഡിശോധന പ്രാണായാമം : കോവിഡ് കാലത്തെ യോഗ

ഊർധ്വാ മുഖ സ്വനാസനാ : ആസ്ത്മയ്ക്കും, ഡിപ്രെഷനും, നട്ടെല്ലിനും ഉത്തമം.

ഉദാന മുദ്ര : തൈറോയ്ഡ് ഗ്രന്ഥിയുടെ പ്രവർത്തനത്തെ ശക്തിപ്പെടുത്തുന്നു

ആദി മുദ്ര : കൂർക്കംവലി മാറാനും ശ്വാസകോശത്തിനും ഉത്തമം

ആകാശ മുദ്ര : ഹൃദയത്തിന്റെ പ്രവർത്തനത്തിനും, കേൾവി ശക്തിക്കും, മൈഗ്രേയ്‌നും ഉത്തമം.