PCOD & PCOS : യോഗയിലൂടെ ആശ്വാസം നേടാം..

By Dr. Gautham K Vijayan Psy.M., PhD (AM), DNYS - January 30 , 2022

സ്ത്രീകളുടെ പ്രത്യുത്പാദന സംവിധാനത്തെ ബാധിക്കുന്ന ഒരു രോഗമാണ് പോളിസ്റ്റിക് ഓവറി സിൻഡ്രോം (PCOS). പത്ത് സ്ത്രീകളിൽ ഒരാൾ പിസിഒഎസ് രോഗം അനുഭവിക്കുന്നുണ്ട് എന്നാണ് കണക്ക്. അത്രമാത്രം സാധാരമായി തീർന്നിരിക്കുന്നു ഈ രോഗം. പിസിഒഎസ് ശരീരത്തെയും മനസ്സിനെയും ഒരുപോലെ തളർത്തുന്ന രോഗമാണിത്. മുടികൊഴിച്ചിൽ, മുഖക്കുരു, ശരീരഭാരം കൂടൽ, ആർത്തവ വ്യതിയാനങ്ങൾ, വന്ധ്യത പ്രശ്നങ്ങൾ എന്നിവയാണ് ഇതുമൂലമുണ്ടാകുന്നത്. അതിനാൽ തന്നെ ശരീരത്തെയെന്ന പോലെ മനസ്സിനെയും തളർത്തുന്ന രോഗമാണിത്. എന്നാൽ ശാസ്ത്രീയമായ ഡയറ്റിലൂടെയും വ്യായാമത്തിലൂടെയും ഈ രോഗത്തിന്റെ ലക്ഷണങ്ങൾ കുറയ്ക്കാനും ആരോഗ്യം മെച്ചപ്പെടുത്താനും സഹായിക്കും. ഇന്ത്യയുടെ പാരമ്പര്യ ആരോഗ്യസംരക്ഷണ മാർഗ്ഗമായ യോഗയും ഈ രോഗത്തോട് പൊരുതാൻ നിങ്ങളെ സഹായിക്കും. ഈ രോഗത്തിന് ആശ്വാസം നൽകാൻ സാധിക്കുന്ന 10 യോഗ പോസുകൾ ചുവടെ ചേർക്കുന്നു.

1. ഭുജംഗാസനം (Cobra Pose)

യോഗ മാറ്റിൽ കമിഴ്ന്ന് കിടക്കുക. നെറ്റിഭാഗം നിലത്ത് മുട്ടിയിരിക്കണം. കാൽപാദങ്ങൾ ചേർത്തുവെച്ച് കൈവെള്ള നിലത്തമർത്തി ശരീരത്തിന്റെ മുൻഭാഗം ഉയർത്തുക. ഇതോടൊപ്പം ശ്വാസം ഉള്ളിലേക്ക് എടുക്കുക. നാലോ അഞ്ചോ സെക്കൻഡ് ‌ഇതേ അവസ്ഥയിൽ തുടരുക. അതിനുശേഷം ആരംഭാവസ്ഥയിലേക്ക് തിരികെ പോവുക.

2. ശലഭാസനം (Locust Pose)

നെറ്റി നിലത്തുമുട്ടിച്ച് കമിഴ്ന്ന് കിടക്കുക. കൈകൾ കാലുകളുടെ ദിശയിൽ ശരീരത്തോട് ചേർത്തുവെക്കുക. ശ്വാസം പുറത്തേക്ക് കളഞ്ഞശേഷം തല, നെഞ്ച്, കൈകൾ, കാലുകൾ എന്നിവ മുകളിലേക്ക് ഉയർത്തുക. ഉദാരഭാഗവും ഇടുപ്പുഭാഗവും ഉപയോഗിച്ച് ശരീരം ബാലൻസ് ചെയ്യുക. ദൃഷ്ടി മുന്നിലേക്ക് ആയിരിക്കണം.

3. സേതുബന്ധ സർവ്വാംഗാസനം (Bridge Pose)

കാലുകൾ അരക്കെട്ടിന്റെ അകലത്തിൽ അകത്തിവെച്ച് മലർന്ന് കിടക്കുക. ദീർഘശ്വാസം എടുത്തശേഷം കാലുകളിൽ ബലം കൊടുത്ത്‌ അരക്കെട്ട് ഉയർത്തുക. കൈകളിലും ഷോൾഡറുകളിലും ബലം കൊടുത്ത് നെഞ്ചിന്റെ ഭാഗവും ഉയർത്തുക.‌ ദൃഷ്ടി മുകളിലേക്ക് ആയിരിക്കണം. കുറച്ചുനേരം ഇതേ അവസ്ഥയിൽ നിൽക്കാൻ ശ്രമിക്കുക.

4. ഉഷ്ട്രാസനം ‌(Camel Pose)

കാൽമുട്ടുകൾ പുറകോട്ട് മടക്കി ശരീരഭാരം കാലുകളിൽ വരത്തക്ക രീതിയിൽ ഇരിക്കുക. ശ്വാസം ഉള്ളിലേക്ക് എടുത്ത് മുട്ടുകാലിൽ നിൽക്കുക. ശരീരത്തിന്റെ പിൻഭാഗം പുറകോട്ട് വളച്ച് ആർച്ച് ആകൃതിയിൽ ആക്കുക. കൈകൾ കാൽപാദങ്ങളോട് ചേർത്തുപിടിച്ച് ശരീരം ബാലൻസ് ചെയ്യുക. കഴുത്തിൽ ഒരുപാട് സമ്മർദ്ദം കൊടുക്കരുത്. കുറച്ചുനേരം ഈ യോഗപോസിൽ തുടർന്നുകൊണ്ട് ശ്വാസോച്ഛ്വാസം നടത്തുക.

5. പ്രസരിത പാദോത്തനാസനം (Straddle Fold Pose)

കാലുകൾ അകത്തി നിൽക്കുക. ഇരുകൈകളും അരക്കെട്ടിലേക്ക് കൊണ്ടുവരിക. ശ്വാസം ഉള്ളിലേക്കെടുത്ത്‌ നെഞ്ച് കഴിയുന്നത്ര വികസിപ്പിക്കുക. ശ്വാസം പുറത്തേക്ക് കളഞ്ഞുകൊണ്ട് ശരീരം കഴിയുന്നത്ര മുന്നോട്ട് വളയ്ക്കുക. തലഭാഗം നിലത്തുമുട്ടുന്ന രീതിയിൽ കൊണ്ടുവരിക. ശരീരം ബാലൻസ് ചെയ്യാനായി കൈകൾ നിലത്ത്‌ വെക്കുക. കുറച്ചുനേരം ഇതേ അവസ്ഥയിൽ തുടരുക

6. അർദ്ധ ചന്ദ്രാസനം (Halfmoon Pose)

ത്രികോണാസനം ചെയ്തുകൊണ്ട് ആരംഭിക്കാം (വലതുകാൽ മുൻപോട്ട് വെച്ചുകൊണ്ട്). വലതുകൈ വലതുകാലിന് മുൻപിൽ കൊണ്ടുവരിക. ഇടതുകാൽ തറയിൽ നിന്നും ഉയർത്തുമ്പോൾ വലതുകാൽ നിവർത്തുക. ഇടതുകാൽ നിലത്തിന് സമാന്തരമായിരിക്കണം. വലതുകാലിൽ ശരീരം ബാലൻസ് ചെയ്യുക. ഇടതുകൈ മുകളിലേക്ക് കൊണ്ടുവരിക.

7. ബദ്ധകോണാസനം (Butterfly Pose)

കാലുകൾ മുന്നോട്ട് നീട്ടിവെച്ച് നിലത്ത്‌ സ്വസ്ഥമായി ഇരിക്കുക. കാൽമുട്ടുകൾ മടക്കി ഉള്ളംകാലുകൾ ചേർന്നിരിക്കുന്ന രീതിയിൽ കൊണ്ടുവരിക. കാൽവിരലുകൾ ചേർത്തുപിടിച്ച് ഉപ്പൂറ്റി സാവധാനം ഇടുപ്പിന്റെ ഭാഗത്തേക്ക് കൊണ്ടുവരിക. ശ്വാസം ഉള്ളിലേക്ക് എടുത്ത് ശരീരം അയച്ചിടുക.

8. സുപ്ത ബദ്ധകോണാസനം (Reclined Bound Angle Pose)

കാലുകൾ നിവർത്തിവെച്ച് കൈകൾ വശങ്ങളിലേക്ക് അയച്ചിട്ട് യോഗമാറ്റിൽ കിടക്കുക. കാൽമുട്ടുകൾ വളച്ച് ശരീരത്തിന്റെ മദ്ധ്യഭാഗത്തായി ഉള്ളങ്കാൽ രണ്ടും ചേർത്തുവെക്കുക. കാൽമുട്ടുകൾ നിലത്ത് അയച്ചിടുക. കൈകൾ പുറത്തേക്ക് നിവർത്തി വെക്കുക. സാവധാനം ശ്വാസോച്ഛ്വാസം ചെയ്യുക.

9. സുപ്ത പാദഗുസ്താസനം (Reclined Big Toe Pose)

കാലുകൾ നിവർത്തിവെച്ച് മലർന്ന് കിടക്കുക. ശ്വാസം പുറത്തേക്ക് വിട്ടുകൊണ്ട് വലതുകാൽമുട്ട് നെഞ്ചിന്റെ ഭാഗത്തേക്ക് കൊണ്ടുവരിക. വലതുകാലിന്റെ തള്ളവിരൽ വലതുകൈ ഉപയോഗിച്ച് പിടിക്കുക. മുട്ടുവളയാതെ വലതുകാൽ പൂർണ്ണമായും മുകളിലേക്ക് നിവർത്തുക. കുറച്ചുനേരം ഈ യോഗാപോസിൽ തുടരുക. അതിനുശേഷം ആരംഭാവസ്ഥയിലേക്ക് തിരിച്ചുപോകുക.

10. സമകോണാസനം (Straight Angle Pose)

കാലുകൾ നിവർത്തിവെച്ച് ഇരിക്കുക. നട്ടെല്ല്‌ നിവർത്തി ഇരിക്കാൻ ശ്രദ്ധിക്കണം. ശ്വാസോച്ഛ്വാസം ചെയ്യുക. ഇത് മസിലുകൾക്ക് അയവുവരാൻ സഹായിക്കും. പതുക്കെ ഇരുകാലുകളും രണ്ട് വശങ്ങളിലേക്കായി കൊണ്ടുവരിക. നിങ്ങൾക്ക് എത്രത്തോളം അകത്തിവെക്കാൻ സാധിക്കുമോ അത്രയും അകത്തിവെക്കുക. കുറച്ചുനേരം ഇതേ അവസ്ഥയിൽ തുടരുക.

Dr. Gautham K Vijayan Psy.M., PhD (AM), DNYS
www.ayurmedi.com

Amazon.in Widgets

മുട്ട് വേദന മാറ്റാം മരുന്നും കുഴമ്പും വേണ്ട.

Dr. Gautham K Vijayan Psy.M., PhD (AM), DNYS - May 23 , 2020

Have a Jasmine Plant in your Room. Jasmine Minimizes Anxiety, Panic Attacks, and Depression

Dr. Gautham K Vijayan Psy.M., PhD (AM), DNYS - May 19 , 2020

മുടികൊഴിച്ചിൽ മാറ്റാം: മരുന്നും, എണ്ണയും വേണ്ട.

Dr. Gautham K Vijayan Psy.M., PhD (AM), DNYS - May 04 , 2020

കാഴ്ച ഇല്ലാതാകുന്ന ഗ്ലുക്കോമയെ തടയാം : സുജോക്ക് ചികിത്സാ

Dr. Gautham K Vijayan Psy.M., PhD (AM), DNYS - May 03 , 2020

സുജോക് തെറാപ്പിക്ക് കേരളത്തിൽ പ്രിയമേറുന്നു .എന്തൊകൊണ്ട്?

Dr. Gautham K Vijayan Psy.M., PhD (AM), DNYS - April 13 , 2020

RELATED ARTICLES
MORE FROM AUTHER

സുജോക് തെറാപ്പിക്ക് കേരളത്തിൽ പ്രിയമേറുന്നു .എന്തൊകൊണ്ട്?

എന്താണ് രോഗ പ്രതിരോധശേഷി ? ശ്രദ്ധിക്കേണ്ട കാര്യങ്ങൾ..

എന്താണീ കൊറോണ വൈറസ് ? അറിഞിരിക്കേണ്ട പ്രധാന കാര്യങ്ങൾ

അക്യുപഞ്ചർ എന്നാൽ എന്തു ?

ഹാർട്ട് ബ്ലോക്ക് എങ്ങിനെ ഉണ്ടാകുന്നു, എങ്ങിനെ തടയാം?

സ്കൂൾ ഫോബിയ (സ്‌കൂള്‍ പേടി) അകറ്റാൻ ശ്രദ്ധിക്കേണ്ട കാര്യങ്ങൾ

നാഡിശോധന പ്രാണായാമം : കോവിഡ് കാലത്തെ യോഗ

ഊർധ്വാ മുഖ സ്വനാസനാ : ആസ്ത്മയ്ക്കും, ഡിപ്രെഷനും, നട്ടെല്ലിനും ഉത്തമം.

ഉദാന മുദ്ര : തൈറോയ്ഡ് ഗ്രന്ഥിയുടെ പ്രവർത്തനത്തെ ശക്തിപ്പെടുത്തുന്നു

ആദി മുദ്ര : കൂർക്കംവലി മാറാനും ശ്വാസകോശത്തിനും ഉത്തമം

ആകാശ മുദ്ര : ഹൃദയത്തിന്റെ പ്രവർത്തനത്തിനും, കേൾവി ശക്തിക്കും, മൈഗ്രേയ്‌നും ഉത്തമം.

ഗ്യാൻ മുദ്ര : ഉറക്കകുറവിനും, സ്ട്രെസ്, ഡിപ്രെഷൻ എന്നിവയ്ക്കു പരിഹാരം.